🏵 "သတိသည်ခံခွက် အသိသည်အဖုံး" 🏵

 

"သတိသည်ခံခွက် အသိသည်အဖုံး"

သတိတစ်လုံးသည် စက်တစ်ခု၏ သော့ထက်အရေးကြီးသည်ကို သတိပြုစေချင်ပါ၏။

သတိပါသူနှင့်မပါသူ အရာရာ၌ ရှေ့နောက်ကွာနေသည်ကို သတိပြုစေချင်ပါ၏။

နိဗ္ဗာန်ဆုကိုရယူရာ၌ သတိတစ်လုံး အရင်းတည်မပါဝင်ရုံမျှဖြင့် လက်လွတ်ဆုံးရှံးကာ တေ့လွဲ လွဲနေသည်ကိုလည်း သတိပြုစေချင်ပါ၏။

သို့ကြောင်း . . .

စွန့်လွှတ်မှုပြုလေတိုင်း သတိတစ်လုံးကို 'ခံခွက်' အရာထားလျက်က ထိုသတိခံခွက်ထဲသို့ ငါရယ်၊ ဝတ္ထုရယ်၊ ပုဂ္ဂိုလ်ရယ် ပစ္စည်းသုံးမျိုး ပေါင်းထည့်ကာ စွန့်လွတ်တတ်ရန် အကြံပြုပါ၏။

ထိုသတိခံခွက်ပေါ်သို့ကား အမှန်အတိုင်း ကိုယ်ပိုင်ဉာဏ်တို့ဖြင့် ထိုးတွင်း၍ သိပိုင်မှုရှိသော အသိကိုများ အဖုံးအအုပ်အဖြစ် ထားရပါမူကား အတိုင်းထက်အလွန်၊ တံခွန်နှင့်ဘုရားကဲ့သို့ ကြွားရွားစွာဖွံ့ဖြိုးစေမည်မှာ မြေကြီးလက်ပုတ်သော်မှ ငုတ်နှင့်တိုက်မိ၍ လွဲချင်လွဲဦးမည်။

ကိုယ်ချမ်းသာမှုနှင့် နိဗ္ဗာန်ဆုတို့ကား မလွဲတော့ပါပြီ။

(မဟာဗောဓိမြိုင် ဆရာတော်ဘုရားကြီး)

[၁၉၉၆ ခုနှစ်၊ မတ်လထုတ် အနုပုဗ္ဗိက ကထာ စာ-၈၀]